Көкшетауда «Көктем-2020» аймақтық штаб ұйымдастырылды

Штаб жаттығулары 25-26 ақпан аралығында өтеді. Жаттығудың негізгі бағыты - құтқарушыларды су тасқыны кезіндегі төтенше жағдайларға даярлау, деп хабарлайды «Ақмола жаңалықтары» АА.

Еске салайық, ақпан айының басында облыс әкімі облысты су тасқынына даярлау жөнінде кеңес өткізген болатын. Көктемде төтенше жағдайлардың алдын алу және жою үшін биыл облыстық бюджеттен 1 млрд. Теңге бөлінді.

Жаттығу барысында орталық және жергілікті атқарушы органдардың өзара әрекеттесуі мен ескертуі, су тасқынына қарсы іс-қимылдың іс-шараларын жүзеге асыру мәселелері қарастырылады. Жаттығулардың аясында тактикалық және арнайы жаттығулар Ақмола облысының барлық аудандары мен қалаларында ықтимал көктемгі төтенше жағдайларды жою бойынша практикалық әрекеттерді әзірлеп өткізіледі.